گیس چوری کریک ڈاؤن: 145گیس کنکشن منقطع، 49لاکھ سے زائد کے جرمانے
سوئی ناردرن کے تحت پنجاب، خیبر پختونخواہ اور اسلام آباد کے مختلف علاقوں میں گیس چوری کے خلاف جاری کریک ڈاؤن کے دوران مزید145گیس کنکشن منقطع کردیے.جبکہ 49لاکھ سے زائد کے جرمانےبھی عائد کیے گئے ۔
سوئی ناردرن گیس نے لاہور میں گیس کے غیر قانونی استعمال پر 08 گیس کنکشن منقطع کیے مزید ٹیم نے 1 لاکھ 40ہزار کے جرمانے بھی عائد کیے گئے۔
ملتان میں ریجنل ٹیم نے گیس کے غیر قانونی استعمال پر 11 گیس کنکشن منقطع جبکہ کمپریسر کے استعمال پر 1گیس کنکشن منقطع کیے گئے ۔
سوئی ناردرن گیس نے پشاور میں میٹر سے چھیڑ چھاڑ،گیس کے براہ راست استعمال، غیر قانونی کنکشن پر 95 گیس کنکشن منقطع کیے اور 33 لاکھ سے زائد کے جرمانے بھی عائد کیے گئے۔بہالپور میں گیس کے غیر قانونی استعمال پر 5جبکہ کمپریسر کے استعمال پر 12گیس کنکشن منقطع کیے گیے ۔مزید 2لاکھ 20ہزار کے جرمانے بھی عائد کیے گئے ۔
گجرانوالہ میں گیس کے غیر قانونی استعمال پر 03 جبکہ کمپریسر کے استعمال پر 1گیس کنکشن منقطع کیا گیا اور 6لاکھ کے جرمانے بھی عائد کیے گئے . کرک میں گیس کے غیر قانونی استعمال پر 6 گیس کنکشن منقطع کیے گئے اور 6لاکھ کے جرمانے بھی عائد کیے گئے ۔مزید 3 ایف آئی آرز بھی درج کی گئی ۔مردان میں گیس کے غیر قانونی استعمال پر 6 گیس کنکشن منقطع کیے گئے اور 60ہزار کے جرمانے بھی عائد کیے گئے۔
