دس سال والی سزا 10 اور پندرہ سال کی سزا 14 سیکنڈ میں ختم ہوجائے گی

 بیرسٹر سلمان صفدر کا کہنا ہے کہ دس سال والی سزا  دس سیکنڈ اور پندرہ سال کی سزا چودہ سیکنڈ میں ختم ہوجائے گی۔

تفصیلات کے مطابق وکیل پی ٹی آئی بیرسٹرسلمان صفدر نے میڈیا گفتگو میں کہا کہ مشاورت کے بعد لیگل ٹیم نے اپنا کام شروع کردیا ہے، لیگل ٹیم کی سربراہی حامد خان کر رہے ہیں۔

بیرسٹرسلمان صفدر کا کہنا تھا کہ آج بھی اسلام آباد ہائیکورٹ انصاف لینے آئے ہیں، آج بھی ہمارا کیس نہیں لگایا گیا، بانی پی ٹی آئی نے مایوسی سے کہا تھا فکسڈ میچ میں نہیں بیٹھنا چاہتا۔

انھوں نے کہا کہ 10سال والی سزا 10سیکنڈ اور15سال کی سزا14سیکنڈ میں ختم ہوجائے گی، جج صاحب کو بھی پتہ تھا 5فروری کی چھٹی آنے والی ہے، جلدی سزا سنا دی۔

وکیل پی ٹی آئی کا کہنا تھا کہ سزا اس لئے جلد بازی میں سنائی گئی تاکہ الیکشن سے قبل سیاسی ماحول بھی بدل جائے