فلسطینی خاتون ٹیچر عبیر قنیبی نے متحدہ عرب امارات میں منعقدہ ایک تقریب کے دوران عرب دنیا کی سطح پر "تخلیقی استاد” کے زمرے میں "خلیفہ ایجوکیشنل ایوارڈ” جیت لیا۔
قنیبی جنوبی مغربی کنارے کی الخلیل گورنری میں لڑکیوں کے "وداد ناصر الدین سیکنڈری اسکول” میں ریاضی کی استاد ہیں۔
انہوں نے اس سے قبل فلسطینیوں کی وزارت تعلیم کے زیر اہتمام سالانہ مقابلے میں "فلسطینی ٹیچر” کا خطاب جیتا تھا۔
وزیر تعلیم مروان عورتانی نے معلمہ قنیبی کو اس کامیابی پر مبارکباد پیش کرتے ہوئے کہا کہ فلسطینی استانی نے ان حالات اور چیلنجوں کے باوجود مختلف مقامی اور بین الاقوامی فورمز میں شاندار کارکردگی کا مظاہرہ کیا ہے۔
قابل ذکر ہے کہ خلیفہ ایوارڈ برائے تعلیم کا مقصد تعلیمی اداروں کو سپورٹ کرنا، ان میں تخلیقی صلاحیتوں کو بڑھانا اور عرب دنیا کی سطح پر تخلیقی صلاحیتوں کے کلچر کو پھیلانا ہے۔
