قومی اسمبلی کے سپیکر راجہ پرویز اشرف نے شاہ محمود قریشی کے خط کا جواب دے دیا۔
راجہ پرویز اشرف نے اپنے خط میں لکھا کہ شیڈول کے اندر کوئی رکن استعفے کی تصدیق کے لیے نہیں آیا۔پی ٹی آئی اراکین کو استعفوں کی دوبارہ تصدیق کے لیے مدعو کر لیا۔
خط میں استعفوں کی تصدیق سے متعلق قواعد کا حوالہ دیا گیا۔خط میں کہا گیا کہ 11 اپریل کو جمع کرائے گئے استعفوں کی تصدیق کے لیے 23 مئی کو خط لکھا گیا، 6 سے 10 جون تک استعفوں کی تصدیق کی مہلت دی گئی۔
واضح رہے کہ شاہ محمود قریشی نے کہا تھا کہ سپیکر کو پی ٹی آئی ارکان کے استعفوں کی تصدیق کے لیے خط لکھ دیا ہے، سپیکر چاہیں سب کو ایک ساتھ بلائیں یا ایک ایک کر کے بلائیں۔
