تحریکِ انصاف کے 123 ارکان نے جمعرات کو قومی اسمبلی کے سپیکر راجہ پرویز اشرف کے سامنے پیش ہونے کا فیصلہ کر لیا۔
ذرائع کے مطابق ارکان سپیکر قومی اسمبلی راجہ پرویز اشرف کے روبرو مستعفی ہونے کی تصدیق کریں گے۔ پی ٹی آئی ارکانِ اسمبلی 22 دسمبر کو کے پی ہاؤس اسلام آباد میں جمع ہوں گے۔ یہ ارکان ممکنہ طور پر شاہ محمود قریشی کی سربراہی میں پارلیمنٹ آئیں گے۔
شاہ محمود قریشی ان ارکان کو لے کر سپیکر کے سامنے پیش ہوں گے۔
واضح رہے کہ سپیکر قومی اسمبلی راجہ پرویز اشرف کہہ چکے ہیں کہ پی ٹی آئی ارکان کے استعفے اکٹھے منظور نہیں ہو سکتے۔
