پیپلز پارٹی کے شریک چیئرمین، سابق صدر آصف علی زرداری کے خلاف 25 سال پرانے کیسز میں پیش رفت سامنے آئی ہے ۔ نیب نے آصف زرداری کی بریت کے خلاف اپیلیں واپس لینے کا فیصلہ کر لیا۔
نیب کی جانب سے اسلام آباد ہائی کورٹ میں 4 اپیلیں واپس لینے کے لیے دائر کی گئی درخواست میں کہا گیا ہے کہ اپیلوں کی مزید پراسیکیوشن ایک لا حاصل مشق ہو گی، آصف زرداری کے خلاف دستاویزات کی فوٹو کاپیاں بھی مشکل سے ریکارڈ پر ہیں ۔ دستیاب دستاویزی شواہد قانونِ شہادت کے مطابق نہیں ہیں۔
واضح رہے کہ نیب نے آصف علی زرداری کی بریت کو 2015ء سے چیلنج کر رکھا تھا۔آصف زرداری اُرسس ٹریکٹر ، ایس ایس جی کوٹیکنا کیس میں بری ہوئے تھے۔
