کراچی میں بچے کے ساتھ ڈکیتی کی انوکھی ویڈیو وائرل

کراچی میں جشن آزادی قریب آتے ہی ایک بچے کے ساتھ ڈکیتی کی دلچسپ ویڈیو وائرل ہوگئی۔

سوشل میڈیا پر یہ دلچسپ ویڈیو وائرل ہورہی ہے جسے لوگوں کی جانب سے ’جائز ڈکیتی‘ کہا جارہا ہے ایسا کیوں کہا جارہا ہے ویڈیو دیکھ کر آپ بھی بخوبی سمجھ جائیں گے۔

وائرل ویڈیو سوشل میڈیا پر تیزی سے وائرل ہورہی ہے اور اسے اب تک ہزاروں کی تعداد میں صارفین دیکھ چکے ہیں۔

ویڈیو میں دیکھا جاسکتا ہے کہ ایک بچہ جشن آزادی کے موقع پر بچوں اور بڑوں کی جانب سے خریدے جانے والے ’باجے‘ کو بجا رہا ہے۔

اسی اثنا میں موٹر سائیکل پر سوار دو افراد آتے ہیں اور بچے سے باجا چھین کر فرار ہوجاتے ہیں۔

ویڈیو میں بچے کو ان سے باجا لینے کے لیے پیچھے بھاگتے دیکھا جاسکتا ہے۔

یہ معلوم نہیں ہوسکا کہ بچے کو اس کا باجا واپس مل گیا ہے یا نہیں لیکن یہ ویڈیو لوگوں کو خوب پسند آگئی ہے۔

واضح رہے کہ بچوں کی جانب سے جشن آزادی قریب آتے ہی بڑی تعداد میں باجے خریدے جاتے ہیں اور اس کے شور سے بعض افراد کو اذیت کا سامنا بھی کرنا پڑتا ہے۔

https://twitter.com/MuhamdUmair/status/1557421543176736768?ref_src=twsrc%5Etfw%7Ctwcamp%5Etweetembed%7Ctwterm%5E1557421543176736768%7Ctwgr%5E6530ae736a8d0246c9d4d79237187ad0e5cce2bb%7Ctwcon%5Es1_c10&ref_url=https%3A%2F%2Furdu.arynews.tv%2Fkarachi-robbery-childvideo-go-viral%2F