تازہ ترینتحریکخبریں

زرداری صاحب ن لیگ کا تختہ الٹ کر دبئی چلے گئے، فواد چوہدری

پاکستان تحریک انصاف (پی ٹی آئی) کے سینئر رہنما فواد چوہدری نے کہا ہے کہ زرداری صاحب ن لیگ کا تختہ الٹ کر دبئی چلے گئے۔

سپریم کورٹ کے باہر میڈیا سے گفتگو میں فواد چوہدری نے حکومتی اتحادی جماعتوں کو تنقید کا نشانہ بناتے ہوئے کہا کہ کوئی بھی جمہوری ملک ہوتا تو واحد حل تھا استعفیٰ دیتے، یہ لوگ سارا الزام عدلیہ پر ڈال رہے ہیں

فواد چوہدری کا کہنا تھا کہ ضمنی انتخاب میں 16 نشستیں مسلم لیگ ن ہار گئی ہے، 20 نااہل ہونے والوں میں سے 18 نے الیکشن لڑا تھا۔

انہوں نے یہ بھی کہا کہ ہم نے اداروں کو محفوظ کرنا ہے، سیاست کے مسائل عدالتی فیصلوں سے حل نہیں ہوتے، عدالتوں پر سیاسی بوجھ نہیں ڈالنا چاہیے۔

پی ٹی آئی رہنما کا کہنا تھا کہ ہمیں اداروں کو مضبوط کرنا ہے، سیاست کے مسائل سیاستدانوں نے حل کرنے ہیں، ہمیں الیکشن کی طرف جانا چاہیے۔

فواد چوہدری نے کہا کہ کچھ لوگ انہیں غلط مشورے دے رہے ہیں، کہتے ہیں کہ اپنی ناکامی کا ملبہ عدالت اور فوج پر ڈال دیں۔

ان کا یہ بھی کہنا تھا کہ زرداری صاحب ن لیگ کا تختہ الٹ کر دبئی چلے گئے، اللّٰہ زرداری صاحب کو لمبی زندگی دے، اقتدار نہ دے۔

انہوں نے کہا کہ ہمیں عدالتوں پر بوجھ نہیں ڈالنا چاہیے، انتخابات کی طرف جانا چاہیے، عام انتخابات جتنی جلدی ہوں گے اتنا استحکام آئے گا ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button