تازہ ترینخبریںپاکستان

آج کا دن بہت اہم ہے، کیا امپورٹڈ حکومت گھبرا تو نہیں رہی؟

سابق وزیر خارجہ شاہ محمود قریشی نے کہا ہے کہ آج کا دن بہت اہم، صدارتی ریفرنس کی سماعت اہمیت رکھتی ہے، امپورٹڈ حکومت گھبرا تو نہیں رہی۔

پی ٹی آئی رہنما وسابق وزیرخارجہ شاہ محمود قریشی نے اسلام آباد میں میڈیا سے گفتگو کرتے ہوئے کہا ہے کہ آج صدارتی ریفرنس کی سماعت بہت اہمیت رکھتی ہے، میری نظر میں اس کیس کی اہمیت بہت زیادہ ہے، تحریک انصاف توقع کرتی ہیں کہ عدالت رہنمائی فرمائے گی، اگریہ فیصلہ پہلےہوجاتا تو اتنی پیچیدگیاں نہ دیکھنی پڑتیں۔

انہوں نے کہا کہ پنجاب اسمبلی میں جمہوری قدروں کو پامال کیا گیا، آئین کی شق کو روندا گیا، خواتین اراکین اسمبلی نے ہاتھ اٹھایا، ماڈل ٹاؤن کی تاریخ دہرائی گئی، اس کیس کا فیصلہ اور احکامات میری نظر میں بہت ضروری ہے، جمہوریت اور پارلیمنٹ کے وقار کو نقصان پہنچا ہے،آج الیکشن کمیشن خاموش کیوں ہے؟

شاہ محمود قریشی نے کہا کہ شہباز شریف کو بھارتی وزیراعظم نے مبارکباد دی، شہباز شریف نے بھی خط کے ذریعے ان کا شکریہ ادا کیا ہے، کیا وزیراعظم میں اتنا حوصلہ نہیں کہ مسئلہ کشمیر اجاگر کرسکے۔

انہوں نے کہا کہ میرے خطوط آج اقوام متحدہ کے ریکارڈ میں موجود ہے، میں نے مسئلہ کشمیر پر سلامتی کونسل کے صدر کو خط لکھے۔

سابق وزیر خارجہ کا یہ بھی کہنا تھا کہ آج پارٹی کے اندر وزیر خارجہ کے قلمدان کی بحث چل رہی ہے کہیں امپورٹڈ حکومت گھبرا تو نہیں رہی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button