Uncategorized

اُڑنے والی کار کی پہلی پرواز کامیاب

سلوواکیہ میں ’فلائنگ کار‘ یعنی کہ اڑنے والی کار نے اپنی پہلی پرواز کامیابی سے مکمل کرلی ہے۔
غیر ملکی میڈیا رپورٹس کے مطابق ’پرو ٹوٹائپ فلائنگ کار‘ نے سلوواکیہ کے دو ایئر پورٹس کے درمیان 35 منٹ طویل پرواز مکمل کر لی ہے۔
اڑنے والی یہ کار بی ایم ڈبلیو اور ہائبرڈ ایئرکرافٹ کے انجن کے طرز پر بنائی گئی ہے، اُڑنے والی یہ کار عام پیٹرول کی مدد سے ہی چلتی ہے جبکہ اس فلائنگ کار کو لینڈنگ کے لیے رن وے کی بھی ضرورت نہیں ہے۔
غیر ملکی میڈیا رپورٹس کے مطابق فلائنگ کار کو ایجاد کرنے والے مجدد کا نام پروفیسر اسٹیفن کلین ہے۔
پروفیسر اسٹیفن کلین کا ایجاد کی گئی فلائنگ کار سے متعلق کہنا ہے کہ یہ کار 8 ہزار 200 فٹ کی بلندی تک اُڑان بھر سکتی ہے ۔
اسٹیفن کے مطابق فلائینگ کار کو عام کار میں ڈھلنے میں صرف 2 منٹ 15 سکینڈ کا وقت درکار ہوتا ہے جبکہ اس پر بیک وقت دو افراد سفر یا تقریباً 200 کلو گرام تک وزن لادا جا سکتا ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button