وزیراعلیٰ خیبر پختونخوا علی امین گنڈا پور نے کہا ہے کہ آپ گورنر راج لگائیں ہم گورنر ہاؤس پر قبضہ کرلیں گے۔
تفصیلات کے مطابق وزیراعلیٰ خیبرپختونخوا نے کہا ہے کہ ہم 9 مئی کرنے والوں کی مذمت کرتے ہیں، جس جس نےغلط کیا وہ قوم کے سامنے آئیں گے، مجھ پر 8 اضلاع میں پرچے کاٹے گئے ایک بھی ثابت نہیں ہوا۔
علی امین گنڈا پور نے کہا کہ میں وزیراعلیٰ کی کرسی کے لیے خاموش نہیں رہوں گا، آپ گورنر راج لگائیں ہم گورنر ہاؤس پر قبضہ کرلیں گے۔
انھوں نے کہا کہ آج ڈیزل جہاز بھرکر حق کے راستے پر چل رہا ہے، ہمیں ایسے نعروں سے اجتناب کرنا چاہیے، اگر آپ رن وے پر واپس آگئے تو ہم پھر سے نعرے لگائیں گے۔
وزیراعلیٰ خیبرپختونخوا علی امین گنڈا پور نے کہا کہ پرویز خٹک خانہ کعبہ میں مجھ سے مناظرہ کرلے، میڈیا ضرور ہو۔
