قدیم بحری جہاز ٹائی ٹینک کا ملبہ سمندر کی تہہ میں دیکھنے جانے والوں میں پاکستانی نثراد برطانوی پاکستانی ارب پتی اور ان کے بیٹے کی تباہ ہونے والے ’’ٹائٹن آبدوز‘‘ پر سوار ہونے سے پہلے کی آخری تصویر سامنے آگئی ہے۔
غیر ملکی میڈیا کے مطابق ’’ٹائٹن آبدوز‘‘ میں سوار ہونے سے پہلے 58 سالہ شہزادہ داؤد اور ان کے 19 سالہ بیٹے سلیمان کو تصویر میں مسکراتے ہوئے دیکھا جاسکتا ہے۔
مذکورہ تصویر اس وقت سامنے آئی جب ان کی اہلیہ کرسٹین نے انکشاف کیا کہ انہوں نے اپنے آخری لمحات ٹائٹن کے مکمل اندھیرے میں اپنی پسندیدہ موسیقی سنتے ہوئے گزارے تاکہ وہ گہرائی میں سمندری مخلوقات کو دیکھ سکیں۔
