کراچی میں صدر مملکت کی سرکاری رہائشگاہ سٹیٹ گیسٹ ہاؤس کی بجلی کاٹ دی گئی ، 26 لاکھ روپے کے بل کی عدم ادائیگی پر بجلی کٹے 18 دن گزر گئے۔
انچارج کا کہنا ہے کہ سٹیٹ گیسٹ ہاؤس کا انتظام فارن آفس کے پاس ہے، بلز ورکس ڈپارٹمنٹ دیتا ہے، بجلی کاٹنے کا ڈی جی فارن آفس اور ڈی جی پی ڈبلیو ڈی کو کئی بار بتایا ہے ۔ سٹیٹ گیسٹ ہاؤس میں غیرملکی وفود بھی آکر ٹہرتے ہیں، گیسٹ ہاؤس میں فارن آفس، ایوان صدر اور پی ڈبلیو ڈی کے دفاتر بھی ہیں۔
انچارج کا کہنا ہے کہ سٹیٹ گیسٹ ہاؤس کے 21 سرونٹ کوارٹرز میں ملازمین رہائش پذیر ہیں۔ 18 دن سے بجلی نہ ہونے سے سٹیٹ گیسٹ ہاؤس کے امور بری طرح متاثر ہیں۔
