سید بابر علی مخلتف میدانوں میں اپنی خدمات کے باؑعث ملک میں ایک خاص مقام رکھتے ہیں۔ نوبل انعام یافتہ سائنسدان ڈاکٹر عبد السلام کے بعد وہ امریکن اکیڈیمی آف آرٹس اینڈ سائنسز کے لیے منتخب ہونے والے دوسرے پاکستانی ہیں ۔
سید بابر علی نے میڈیا سے بات کرتے ہوئے کہا ہے کہ امریکن اکیڈیمی آف آرٹس اینڈ سائنسز کے لیے منتخب ہونا یقینا ان کے لیے ایک بہت بڑا اعزاز ہے۔ ان سے پہلے مارٹن لوتھر کنگ، بینجمن فرینکلن، نیلسن مینڈیلا، سٹیفن ہاکنگ اور آئن سٹائن جیسی شخصیات کو اس اکیڈیمی کے لیے منتخب کیا جا چکا ہے۔
