تازہ ترینتحریکخبریں

عمران خان کے کابینہ ارکان کو نیب نے نوٹس بھیج دیے

برطانیہ سے 19 ملین پاؤنڈ کی پاکستان منتقلی کے معاملے پر نیب نے سابق وزیرِ اعظم عمران خان کی کابینہ کے ارکان کو نوٹس بھیج دیے۔

نیب برطانیہ سے رقم پاکستان منتقلی اور اس کے نجی اکاؤنٹس میں جانے کی تحقیقات کر رہا ہے۔مراد سعید اور غلام سرور خان کو 11 اکتوبر کو نیب میں پیش ہونے کا نوٹس بھیجا گیا ہے۔

پرویز خٹک کو 12 اکتوبر، زبیدہ جلال اور حماد اظہر کو 13 اکتوبر کو پیش ہونے کا نوٹس دیا گیا ہے۔شفقت محمود اور شیریں مزاری کو 14 اکتوبر، خالد مقبول صدیقی اور اعجاز شاہ کو 17 اکتوبر کو نیب میں طلب کیا گیا ہے۔

علی امین گنڈا پور اور فروغ نسیم کو 18 اکتوبر جبکہ علی زیدی اور خسرو بختیار کو 19 اکتوبر کو نیب پیشی کا نوٹس دیا گیا ہے۔اعظم سواتی اور اسد عمر کو 20 اکتوبر، عمر ایوب اور محمد میاں سومرو کو 21 اکتوبر، شیخ رشید احمد اور فواد چوہدری کو 24 اکتوبر کو نیب کے دفتر  بلایا گیا ہے۔صاحبزادہ محبوب سلطان اور فیصل واوڈا کو 25 اکتوبر کو نیب میں پیش ہونے کا نوٹس بھیجا گیا ہے۔

ذرائع کا کہنا ہے کہ عمران خان کابینہ نے رقم کی منتقلی کے بعد اس کی نجی اکاؤنٹس میں مبینہ منتقلی کی منظوری دی تھی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button