چینی سائنسدانوں نے خلاء میں چاول کی پہلی فصل کاشت کرلی

چینی سائنسدانوں نے خلاء میں چاول کی کاشت کا کامیاب تجربہ کیا، یہ تجربہ پہلی بار کیا گیا ہے، سائنسدانوں کا کہنا ہے کہ یہ تجربہ طویل مدتی مشنز میں معاون ثابت ہوگا۔

چینی محققین نے پہلی بار کششِ ثقل کی عدم موجودگی میں خلائی چاول کی کاشت کی کوشش کی، جس میں وہ کامیاب رہے ہیں۔

سائنسدانوں نے خلائی چاول کو مکمل طور پر یعنی بیج بونے سے پودا بننے اور بیچ پیدا کرنے تک مکمل عمل خلاء میں کیا۔

ٹائیکوناٹس یعنی چینی خلانورد خلا میں عربائیڈوپسِس تھالیانا نامی ایک پودے کا بھی تجربہ کر رہےہیں۔ یہ پودا سرسوں کے گھرانے سے تعلق رکھتا ہے اور اکثر موسمیاتی تغیرات کے مطالعے  استعمال کیا جاتا ہے۔

https://twitter.com/CNSAWatcher/status/1563936355180314630?ref_src=twsrc%5Etfw%7Ctwcamp%5Etweetembed%7Ctwterm%5E1563936355180314630%7Ctwgr%5E2def14a1c9e669230449e9716568443a8c2e5aad%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1132387

چائینیز اکیڈمی آف سائنسز میں ایک محقق کا کہنا تھا کہ چاولوں کی اچھی نمو ہو رہی ہے۔ ہم یہ جاننا چاہتے ہیں کہ مالیکیولر سطح پر مائیکرو گریویٹی کس طرح پودے کے پھول دینے کے وقت کو متاثر کر سکتی ہے اور آیا متعلقہ عمل کو قابو کرنے کے لیے مائیکرو گریویٹی ماحول کااستعمال ممکن ہے۔

بین الاقوامی خلائی سٹیشن میں مقبول غذاؤں میں سے ایک غذا چاول ہے اور اپولو مشنز کے بعد سے یہ خلاء بازوں کے لیے مرکزی اہمیت رکھتی ہے۔

ناسا کے خلاء باز نیل آرمسٹرونگ، مائیکل کولنس اور بز آلڈرِن اپولو 11 مشن کے دوران خشک جمی ہوئی چکن اور چاول کی غذا کھاتے تھے۔

چینی محققین نے یہ تجربہ ٹیانگونگ اسپیس اسٹیشن کے مرکزی موڈیول سے منسلک وینٹیئن اسپیس لیبارٹری میں کیا گیا۔ جس کا افتتاح 24 جولائی کا کیا گیا تھا۔