یو اے ای میں ایشیا کپ 2022 کے افتتاحی میچ میں افغانستان نے سری لنکا کو 8 وکٹوں سے ہرادیا۔
سری لنکا کی جانب سے دیا گیا 106 رنز کا ہدف افغانستان نے دو وکٹوں کے نقصان پر 11ویں اوور میں حاصل کرلیا۔ آسان ہدف کے تعاقب میں رحمان اللّٰہ گرباز نے 18 گیندوں پر 40 رنز کی دھواں دار اننگز کھیلی۔ حضرت اللّٰہ زازئی نے 37 جبکہ ابراہیم زادران نے 15 رنز کی اننگز کھیلی۔ سری لنکا کی جانب سے ہراسنگا ڈی سلوا ایک وکٹ لے کر نمایاں بولر رہے۔
افغان بولرز کے سامنے سری لنکن بلے باز بے بسی کی تصویر بنے رہے جہاں ٹاپ آرڈر کے 3 بلے باز صرف 5 کے مجموعے پر ہی پویلین لوٹ گئی ۔
سری لنکن ٹیم جب 75 رنز پر 9 وکٹوں سے محروم ہوگئی تو ایسے میں چمیکا کرونارتنے نے 31 رنز بنا کر ٹیم کو 105 کے مجموعے تک پہنچا دیا۔
افغانستان کی جانب سے فضل حق فاروقی 11 رنز کے عوض 3 وکٹیں لے کر نمایاں رہے
