*چوتھی چوہدری نذیر احمد میموریل پنجاب جونیئر ٹینس چیمپئن شپ کا لاہور میں آغاز*
لاہور: چوتھی چوہدری نذیر احمد میموریل پنجاب جونیئر ٹینس چیمپئن شپ 2026 کا باقاعدہ آغاز منگل کے روز پنجاب ٹینس اکیڈمی، باغِ جناح، لاہور میں ہوا۔
افتتاحی تقریب کی مہمانِ خصوصی بیگم نصرت نذیر تھیں، جبکہ مسٹر عمران نذیر نے ٹورنامنٹ ڈائریکٹر کے فرائض انجام دیے۔ تقریب میں ٹینس حلقوں کی متعدد نمایاں شخصیات نے شرکت کی جن میں خرم نذیر، ریحان قریشی اور عروصہ خرم شامل تھے، جبکہ کھلاڑیوں کے والدین، کوچز، آفیشلز اور میڈیا نمائندگان کی بھی بڑی تعداد موجود تھی۔
فہیم صدیقی ٹورنامنٹ میں ریفری کے فرائض انجام دے رہے ہیں اور بین الاقوامی ٹینس قوانین اور معیار کی مکمل پابندی کو یقینی بنا رہے ہیں۔ چیمپئن شپ میں پنجاب بھر سے باصلاحیت جونیئر لڑکوں اور لڑکیوں کی بڑی تعداد شرکت کر رہی ہے۔
اس موقع پر خطاب کرتے ہوئے ٹورنامنٹ ڈائریکٹر عمران نذیر نے تمام کھلاڑیوں کے لیے نیک تمناؤں کا اظہار کیا اور نوجوان کھلاڑیوں پر زور دیا کہ وہ جوش، نظم و ضبط اور اسپورٹس مین اسپرٹ کے ساتھ مقابلہ کریں۔ انہوں نے کھلاڑیوں کو بڑے خواب دیکھنے اور مستقبل میں پاکستان کے لیے بین الاقوامی سطح پر سفیر بننے کی تلقین کی۔
بوائز انڈر 18 کے پہلے راؤنڈ میں امیر مزاری نے اجمل کو 0-6، آلائے حسنین نے مہاد راشد کو 0-6، ہادی عادل نے فیضان حیدر کو 1-6، عبدالوہاب نے موسیٰ ریاض کو 1-6 سے شکست دی۔ عتیق الرحمٰن واک اوور پر کامیاب رہے، جبکہ ریحان خان نے نائل عمران کو 4-6 اور بلال اویس نے علی منتظم کو 1-6 سے ہرایا۔
بوائز انڈر 12 کیٹیگری میں دانیال افضل ملک نے فہد مصطفیٰ کو 0-6 سے شکست دی افتتاحی روز کے مقابلے دیکھنے کے لیے شائقین کی بڑی تعداد موجود تھی، جس سے نوجوان کھلاڑیوں کے لیے حوصلہ افزا اور پرجوش ماحول دیکھنے میں آیا۔
