فیلڈ مارشل کی جانب سے میری تعریف میرے لئے اعزاز سے کم نہیں ، صدر ٹرمپ

امریکی صدر ڈونلڈ ٹرمپ نے ورجینیا میں امریکی فوجی جنرلز سے خطاب کیا۔

خطاب کے دوران امریکی صدر فیلڈ مارشل عاصم منیر کی تعریف کیے بغیر نہ رہ سکے ۔

انہوں نے کہا کہ پاک بھارت جنگ بندی پر فیلڈ مارشل کی جانب سے میری تعریف میرے لئے اعزاز سے کم نہیں ہے ۔

انہوں نے پاک بھارت جنگ میں 7طیارے گرنے کا پھر ذکر کردیا۔

اس موقع پر صدر ٹرمپ نے کہا کہ ابھی تین روز پہلے وزیراعظم پاکستان اور فیلڈ مارشل عاصم یہاں موجود تھے، فیلڈ مارشل پاکستان میں بہت اہم شخصیت ہیں۔

امریکی صدر نے کہا کہ فیلڈ مارشل نے کہا ٹرمپ نے لاکھوں لوگوں کی جانیں بچائی ہیں، انہوں نے کہا ٹرمپ نے جنگ رکوا کر لاکھوں جانیں بچائیں، جنگ ہو جاتی تو بہت زیادہ برا ہوتا۔

صدر ٹرمپ نے کہا کہ فیلڈ مارشل کا یہ تبصرہ مجھے بہت اچھا لگا، ان کی تعریف کو میں نے اپنے لیے اعزاز محسوس کیا ۔