اداکار یاسر حسین عالیشان شادیوں کے خلاف بول پڑے

پاکستانی اداکار و ہدایتکار یاسر حسین نے معاشرے میں ہونے والی بڑے پیمانے پر عالیشان شادیوں کے خلاف آواز بلند کی ہے۔

حال ہی میں ایک شو کے دوران گفتگو کرتے ہوئے پاکستانی اداکار و ہدایتکار یاسر حسین نے معاشرے میں ہونے والی بڑے پیمانے پر عالیشان شادیوں کے خلاف آواز بلند کی ہے۔
شو میں موجود ساتھی اداکار فیصل قریشی نے کہا کہ آج کل عام سے عام شادی 50 لاکھ روپے تک ہورہی ہے۔
اس پر یاسر حسین نے کہا 50 لاکھ میں تو اچھا بھلا بزنس ہوسکتا ہے، دو ملک گھومے جاسکتے ہیں، کہیں کوئی اپارٹمنٹ خرید سکتے ہیں۔

یاسر حسین نے اس بات پہ نہایت زور دیا ہے کہ شادی کو اتنا مشکل نہ بنائیں، شادی بہت آسان چیز ہے، نکاح کریں کھانا کھلائیں اور بس۔

انہوں نے کہا کہ 5 ، 6 تقریبات میں نہ پڑیں، یہ بڑا ظلم ہے، میں نے دیکھا ہے کہ شادی پے ہونے والے خرچے سے ان کے چہرے بجھ گئے ہیں۔