منڈی بہاء الدین کے علاقے بھکھی شریف میں ایک افسوس ناک واقعہ پیش آیا ہے . جس میں ملازم نے پیسوں کے لین دین کے تنازع پر زمیندار اور اس کی بیوی کو اینٹیں مار کر قتل کردیا ہے ۔ پولیس کے مطابق زمیندار کا اپنے ملازم سے تنخواہ ایڈوانس دینے پر جھگڑا ہوا جس دوران ملزم نے زمیندار کو اینٹیں مار کر قتل کردیا۔
پولیس نے بتایا کہ زمیندار کی بیوی نے اسے بچانے کی کوشش کی تو ملزم نے اسے بھی قتل کردیا ۔
پولیس کے مطابق ملزم قتل کی واردات کے بعد فرار ہو گیا ، واقعے کی اطلاع ملنے پر مقدمہ درج کرکے ملزم کی تلاش شروع کردی ہے ۔
