مسلم امہ کے لئے ایک خوشی کی خبر یہ ہے کہ عالمی ادارہ صحت کی جانب سے اس حقیقت کو تسلیم کیا گیا ہے کہ دنیا بھر میں صحت مند ترین شہروں میں ہمارے آقا سرور کائنات محمد ﷺ کا شہر مدینہ منورہ ایک بار پھر شامل ہوا ہے۔ نئے سرٹیفکیشن کے مطابق عالمی ادارہ صحت (WHO) کی جانب سے صحت مند شہر کا درجہ حاصل ہوگیا ہے۔
سعودی نیوز ایجنسی کی خبر کے مندرجات کے مطابق مدینہ منورہ نے ڈبلیو ایچ او کے 80 سے زائد سٹیڈرائزیشن کامیابی سے مکمل کیں، جس پر شہر کو صحت مند شہر کی سند جاری کی گئی۔
مدینہ کے گورنر شہزادہ سلمان بن سلطان نے سعودی وزیر صحت سے یہ تصدیقی سند وصول کی۔ انہوں نے کہا کہ مدینہ کو دوبارہ صحت مند شہر کا درجہ ملنا اس بات کا ثبوت ہے کہ سعودی قیادت عوامی معیارِ زندگی کو بہتر بنانے کے لیے کتنی پُرعزم ہے۔
مدینہ کو پہلی بار یہ اعزاز 2019 میں ملا تھا۔ اس بار طائف، تبوک، الدرعیہ سمیت 14 دیگر سعودی شہروں کو بھی صحت مند شہروں کی فہرست میں شامل کیا گیا ہے۔
