ایران بس حادثے میں جاں بحق پاکستانی زائرین آبائی علاقوں میں سپرد خاک

3 روز قبل ایران میں پیش آئے خوفناک بس حادثے میں جاں بحق ہونے والے پاکستانی زائرین کو ان کے آبائی شہروں میں سپرد خاک کر دیا گیا۔

ڈان نیوز کے مطابق جاں بحق افراد کی نماز جنازہ ان کے آبائی علاقوں میں ادا کی گئیں، جس میں عوام کی بڑی تعداد نے شرکت کی۔

جاں بحق افراد میں سے 10 کا تعلق سندھ کے ضلع لاڑکانہ، 6 کا کشمور، 4 کا خیرپور، 3 کا قمبر شہداد کوٹ، 2 کا جامشورو، 2 کا تعلق کراچی اور ایک کا دادو سے ہے۔