عالمی مالیاتی فنڈ (آئی ایم ایف) کی سربراہ کرسٹالینا جارجیوا نے کہا ہے کہ پاکستان سے صرف یہ کہہ رہے ہیں کہ امیروں سے مزید ٹیکس لیے جائیں اور غریبوں کو تحفظ دیا جائے۔
نیویارک میں نگران وزیراعظم انوارالحق کاکڑ سے ملاقات کے بعد آئی ایم ایف کی منیجنگ ڈائریکٹر کرسٹالینا جارجیوا نے پاکستانی میڈیا سے کہا کہ یہی وہ بات ہے جو پاکستان کے عوام بھی چاہتے ہیں.
نگران وزیراعظم انوارالحق کاکڑ نے سربراہ آئی ایم ایف سے ملاقات کو تعمیری قراردیتے ہوئے کہا کہ کرسٹالینا جارجیوا سے ملاقات میں معاشی تعاون اور استحکام کیلئے کوششوں پر تبادلہ خیال کیا گیا۔
