مسلم لیگ (ق) کے رہنما اور وزیر اعلیٰ پنجاب چوہدری پرویز الہٰی کے صاحبزادے مونس الہٰی نے تحریک انصاف کے چیئرمین عمران خان سے ملاقات کی ہے۔
زمان پارک لاہور میں ہونے والی اس ملاقات میں پی ٹی آئی رہنما شاہ محمود قریشی، اسد عمر اور دیگر بھی شریک ہوئے۔
مونس الہٰی اور عمران خان کی ملاقات میں ملکی سیاسی صورتحال اور آئندہ کے لائحہ عمل پر مشاورت کی گئی۔
رہنما ق لیگ مونس الہٰی نے کہا تھا کہ ملاقات میں آگے بڑھنے کے راستوں پر تبادلہ خیال کیا گیا۔ عمران خان اور ان کی ٹیم کے ساتھ مل کر ہمیشہ خوشی ہوئی ، فالو اپ میٹنگ جلد ہوگی۔
واضح رہے کہ تحریک انصاف کے چیئرمین عمران خان کا کہنا تھا کہ اگر جلد الیکشن نہ ہوئے تو ملک میں انتشار ہوگا۔ 17 دسمبر کو اپنے خطاب میں پنجاب اور خیبر پختونخوا اسمبلیاں توڑنے کی تاریخ دوں گا۔ ہمارے اراکین قومی اسمبلی سپیکر کے سامنے کہیں گے کہ ہمارے استعفے قبول کرو۔
