تحریکِ انصاف کے رہنما بابر اعوان نے کہا ہے کہ اسلام آباد پلوامہ تھوڑی ہے ، یہاں لانگ مارچ آئے گا۔
سپریم کورٹ کے باہر میڈیا ٹاک کے دوران ان کا کہنا تھا کہ حکمرانوں کے لیے شرم کا مقام ہے، تمام فیصلے لندن میں ہو رہے ہیں، جو مرضی کر لیں، لانگ مارچ ضرور آ رہا ہے۔ لانگ مارچ کے باعث تمام حکمران بھاگتے ہوئے نہ ملے تو مجھے بتائیے گا۔
انہوں نے کہا ہے کہ لانگ مارچ میں تاخیر نہیں ہو رہی، ملکی تاریخ میں ایسا نہیں ہوا جب لیڈر موجود نہیں اور لوگ سڑک پر ہوں۔
