وزیراعظم شہباز شریف لندن سے روانہ، آج وطن واپس پہنچیں گے

وزیراعظم شہباز شریف ہیتھرو ایئرپورٹ لندن سے پاکستان کے لیے روانہ ہوگئے ہیں وہ آج صبح نجی ایئرلائن کی پرواز سے اسلام آباد پہنچیں گے۔

وزیراعظم شہباز شریف گزشتہ روز ہیتھرو ایئرپورٹ لندن سے پاکستان کے لیے روانہ ہوئے ہیں۔ انہیں برطانوی سرکاری پروٹوکول میں ایئرپورٹ پہنچایا گیا

اس سے قبل وزیراعظم کو جمعہ کی شب وطن واپس آنا تھا لیکن واپسی سے کچھ دیر پہلے ان کی واپسی اچانک موخر کر دی گئی تھی۔

وزیراعظم شہباز شریف آج نجی ایئرلائن کی پرواز سے اسلام آباد پہنچیں گے۔

واضح رہے کہ شہباز شریف شرم الشیخ مصر میں عالمی موسمیاتی کانفرنس میں شرکت کے بعد لندن پہنچے تھے اور لندن میں قیام کے دوران انہوں نے اپنے بڑے بھائی نواز شریف، بیٹے حمزہ شہباز اور خاندان کے دیگر افراد سے ملاقاتیں کی تھیں