لاہور میں اقبال ٹاؤن پولیس نے فلم اور تھیٹر کے معروف پروڈیوسر سخی سرور اور ان کے بیٹے کے خلاف تھانہ اقبال ٹاؤن میں فراڈ کے الزام میں مقدمہ درج کر لیا۔
تھانہ اقبال ٹاؤن میں درج ایف آئی آر کے مطابق عدنان احمد شاہ نامی ایک شخص نے 7سال پہلے معروف فلم پروڈیوسر سخی سرور کے بیٹے حسان سرور سے ایک گاڑی خریدی۔
عدنان نے گاڑی کی قیمت ادا کر دی لیکن حسان نے اسے گاڑی کی اوریجنل فائل نہیں دی، عدنان شاہ نے فائل کا تقاضا کیا تو فہد مشتاق نامی شخص نے پولیس کانسٹیبل بن کر فون پر دھمکیاں دیں۔
پولیس نے فراڈ اور ٹیلی فون پر دھمکیاں دینے کی دفعات کے تحت مقدمہ درج کر لیا لیکن تاحال کسی ملزم کی گرفتاری عمل میں نہیں آ سکی۔
