Welcome to JEHANPAKISTAN   Click to listen highlighted text! Welcome to JEHANPAKISTAN
تازہ ترینجرم کہانیخبریں

ڈاکووں نے کاریں چھیننے کا نیا طریقہ نکال لیا، ملزمان کا انکشاف

شہر قائد میں گاڑیاں چھیننے کے لیے ڈکیتوں نے نیا طریقہ واردات نکال لیا، گرفتار ملزمان نے اہم انکشاف کردیا۔

تفصیلات کے مطابق اے وی ایل سی کراچی کے عملے نے کاریں چھیننے والے2 ملزمان کو گرفتارکرلیا جنہوں نے دوران تفتیش اہم راز اگل دیئے۔

اینٹی کار لفٹنگ سیل کے ایس ایس پی طارق نواز نے بتایا کہ مسافروں کی شکل میں شہر میں نیا ڈکیت گروہ سرگرم ہوگیا، ڈکیت آن لائن ٹیکسی سروس بک کراکر واردات کرتے ہیں۔

اے وی ایل سی افسر کے مطابق ملزمان آن لائن ٹیکسی میں مسافر بن کرسوار ہوتے ہیں اور اسلحہ کے زور پر ڈرائیورسے گاڑیاں چھین لیتے ہیں۔

رواں ماہ نجی ٹیکسی سروس کی دو کاریں بک کروا کر چھین لی گئی تھیں، ملزمان نے گلستان جوہر اور گلشن اقبال سے گاڑیاں بک کروائیں اور لے کر فرار ہوگئے۔

اینٹی کار لفٹنگ سیل کے ایس ایس پی طارق نواز نے مزید بتایا کہ گرفتار ملزمان سے دونوں کاریں اور ایک پستول بر آمد کرلیا گیا ہے، مزید تحقیقات جاری ہیں۔

جواب دیں

آپ کا ای میل ایڈریس شائع نہیں کیا جائے گا۔

Back to top button
Click to listen highlighted text!