سہراب گوٹھ ہنگامہ آرائی کی ویڈیوز انڈیا سے اپلوڈ ہونے کا انکشاف سامنے آیا، اس حوالے سے اعلیٰ حکام کو آگاہ کردیا گیا ہے۔
تفصیلات کے مطابق پولیس نے کراچی کے علاقے سہراب گوٹھ میں ہنگامہ آرائی کی ابتدائی رپورٹ تیار کرلی اور اعلیٰ حکام کو آگاہ کردیا گیا
ابتدائی رپورٹ میں انکشاف کیا گیا کہ سہراب گوٹھ ہنگامہ آرائی کی ویڈیوز پہلےافغانستان بھیجی گئی اور پھر بھارت میں فیس بک ،ٹک ٹاک کے ذریعے ویڈیوز اپلوڈ کی گئیں۔
رپورٹ میں کہا گیا کہ افغان مہاجرین غیرقانونی ملک دشمن سرگرمیوں میں ملوث ہیں، سپرہائی وے پر 7 سے 8 ہزار افراد جمع ہوئے اور سڑک بند کی۔
پولیس کا کہنا تھا کہ مظاہرین نے اپنی منزل کو جانے والے شہریوں کو لوٹا، پولیس موبائل، گاڑیوں، موٹرسائیکلوں اور بس کو جلایا گیا
ابتدائی رپورٹ میں کہا گیا کہ احتجاج کےدوران شرپسندعناصر کی جانب سے فائرنگ کی گئی، ہنگامہ آرائی کےدوران متعدد پولیس افسران و اہلکار زخمی بھی ہوئے
