Welcome to JEHANPAKISTAN   Click to listen highlighted text! Welcome to JEHANPAKISTAN
تازہ ترینخبریںپاکستان سے

عمران ریاض خان کی گرفتاری پر ہائی کورٹ نے مجاز افسر کو صبح طلب کر لیا

اسلام آباد ہائی کورٹ میں عمران ریاض خان کی گرفتاری پر دائر توہین عدالت کی درخواست چیف جسٹس کو ارسال کر دی گئی۔

توہین عدالت درخواست پر فوری سماعت ہوگی یا نہیں ؟ اس حوالےسے فیصلہ چیف جسٹس اسلام آبادہائیکورٹ فیصلہ کریں گے۔

اسلام آبادہائیکورٹ کی دائری برانچ نے عمران ریاض توہین عدالت کیس چیف جسٹس اطہر من اللہ کو بھیج دیا۔

عمران ریاض خان کے وکلا کی جانب سے دائر درخواست میں مؤقف اختیار کیا گیا ہے کہ آئی جی پنجاب، آئی جی اسلام آباد اور ڈی سی اسلام آباد نے توہین عدالت کی ہے، اسلام آبادہائیکورٹ توہین عدالت کرنے والے افسران کو طلب کرکے کاروائی کرے۔

درخواست میں استدعا کی گئی ہے کہ اسلام آبادہائیکورٹ عمران ریاض خان کی فوری رہائی کا حکم دے۔

درخواست میں آئی جی اسلام آباد ، آئی جی پنجاب اور ڈی سی اسلام آباد کو فریق بنایا گیا ہے۔

درخواست میں کہا گیا کہ اسلام آباد ہائی نے عدالت کی اجازت کے بغیر گرفتاری سے روکا تھا ، ہائی کورٹ کے واضح احکامات کے باوجود گرفتار کیا گیا۔

اسلام آباد ہائی کورٹ نے عمران ریاض خان کی گرفتاری پر توہین عدالت کی دائر درخواست پر آئی جی اسلام آباد کی جانب سے مجاز افسر کو صبح دس بجے عدالت طلب کر لیا ہے۔

اسلام آباد ہائی کورٹ نے آئی جی اسلام آباد وضاحت کریں کہ عدالتی حکم عدولی کیوں ہوئی؟

یہ احکامات اسلام آباد ہائی کورٹ کے چیف جسٹس اطہر من اللہ نے جاری کئے، اسٹنٹ رجسٹرار اسلام آباد ہائی کورٹ اسد خان نے درخواست پر نمبر لگا دیا۔

عمران ریاض خان کی درخواست پر مزید سماعت صبح دس بجے ہو گی۔

جواب دیں

آپ کا ای میل ایڈریس شائع نہیں کیا جائے گا۔

Back to top button
Click to listen highlighted text!