پاکستان تحریک انصاف (پی ٹی آئی) کے رہنما شاہ محمود قریشی نے بلاول بھٹو پر لندن میں خیرات مانگنے کا الزام عائد کردیا۔
اپنے بیان میں شاہ محمود قریشی نے کہا کہ بےنظیر کا بیٹا لندن میں نواز شریف سے پنجاب کی دس نشستوں کی خیرات مانگنے گیا ہے۔
شاہ محمود قریشی نے یہ بھی کہا کہ الیکشن کمیشن عجلت میں ہے صرف پی ٹی آئی کے خلاف مقدمہ سن رہا ہے، پاکستان کے ہر ضلع میں الیکشن کمیشن کے دفاتر کے سامنے پُرامن احتجاج کریں گے۔
پی ٹی آئی رہنما نے کہا کہ الیکشن کمیشن میں ہماری حکومت کو برخاست کرنے کی سازش کی گئی۔
شاہ محمود نے کہا کہ عمران خان کے خلاف ایک اور سازش ہو رہی ہے کہ عمران خان کو نااہل کیا جائے، سازش کی جارہی ہے کہ پی ٹی آئی پر پابندی لگائی جائے۔
