الیکشن کمیشن نے پی ٹی آئی کو نہ ملنے والی مخصوص نشستوں کی دیگر پارٹیوں میں تقسیم شروع کردی
الیکشن کمیشن نے پی ٹی آئی کی دونوں خواتین کی نشستوں میں سے ایک ایم کیو ایم اور ایک پیپلز پارٹی کو دے دی۔
تفصیلات کے مطابق الیکشن کمیشن نے پی ٹی آئی کو نہ ملنے والی مخصوص نشستوں کی دیگرپارٹیوں میں تقسیم شروع کردی، پی ٹی آئی کی دونوں خواتین کی نشستوں میں سے 1ایم کیو ایم اور 1پی پی پی کو دیدی گئی۔
سندھ اسمبلی میں سمیتاافضال پی پی کی جانب سے مخصوص نشست پرکامیاب ہوئی جبکہ ایم کیو ایم کی طرف سے فوزیہ حمید کوخواتین کی نشست پرکامیاب قرار دیاگیا، یہ دونوں نشستیں کوٹہ کےحساب سےپی ٹی آئی کے حمایت یافتہ ارکان کو ملنا تھی۔
دوسری جانب سنی اتحادکونسل کی مخصوص نشستوں کے معاملے پر الیکشن کمیشن کا اہم اجلاس کل طلب کرلیا گیا ہے، ذرائع نے کہا کہ چیف الیکشن کمشنر کی زیرصدارت اجلاس میں چاروں ممبران ،سیکرٹری شریک ہوں گے۔
ذرائع الیکشن کمیشن کا کہنا تھا کہ دیگرپارلیمانی جماعتوں کی مخصوص نشستوں پردرخواستوں کاجائزہ جاری ہے ، الیکشن کمیشن کےلاونگ نے مخصوص نشستوں کی تقسیم پرکام شروع کردیا۔
سنی اتحادکونسل کی23مخصوص نشستیں تقسیم کرنے کا فیصلہ الیکشن کمیشن کرےگا، لاونگ مخصوص نشستوں پر اپنی رپورٹ کل کمیشن کے سامنے رکھے گا، جس کے بعد الیکشن کمیشن 77 مخصوص نشستیں مختلف پارلیمانی جماعتوں میں تقسیم کافیصلہ کرے گا۔
