دلچسپ و حیرت انگیز

بھارتی بحریہ کا ایک اور ڈرامہ فلاپ ، حقیقت سے پردہ اٹھ گیا

بھارتی بحریہ کا ایک اور ڈرامہ فلاپ ہوگیا ہے، بھارتی نیول چیف ایڈمرل ہری کمار نے ڈرامہ بازی کا نیا ریکارڈ قائم کردیا ہے۔

بھارت کی جانب سے دنیا کی آنکھوں میں دھول جھونکنے کی ایک اور کوشش ناکام ہوگئی ہے، صومالیہ کے قریب پھنسے لائبیرین تجارتی جہاز کو قزاقوں سے چھڑانے کا جھوٹا ڈرامہ بےنقاب ہوگیا ہے۔

بھارتی بحریہ نے جمعہ کو صومالیہ کے ساحل کے قریب ایک جہاز پر سوار عملے کے تمام 21 ارکان کو بچانے کا دعویٰ کیا تھا، ان افراد میں 15 بھارتی باشندے بھی شامل تھے۔

جہاز چھڑانے کے اس دعوے کے بعد سوال اٹھنے لگے کہ کیا بھارتی نیول چیف قزاقی کے بارے میں حقائق سے لاعلم ہیں یا مکر کر رہے ہیں؟ کیا بھارتی نیول چیف کو ماتحتوں نے نہیں بتایا کہ بحیرہ عرب قزاقی سے پاک خطہ ہے؟

بھارت کی جانب سے جس قزاقی کو ناکام بنانے کا دعویٰ کیا گیا وہ سرے سے ہوئی ہی نہیں، جس جہاز کو آزاد کروانے کا دعویٰ کیا گیا اس پر کوئی بحری قزاق موجود ہی نہیں تھا۔

بھارتی دفاعی ذرائع نے قزاقی سے نمٹنے کے لئے 4 جنگی جہاز روانہ کرنے کا دعویٰ کیا تھا، جبکہ حقیقت میں بحیرہ عرب کو نو پائریسی زون قرار دیا جا چکا ہے

بھارتی نیوی ایسے کارنامے کا ڈھنڈورا پیٹ رہی ہے جو سرے سے وجود ہی نہیں رکھتا، بالی ووڈ کی فلم کی طرح لکھا گیا قزاقی کا ڈرامہ اپنی موت آپ مر چکا ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button