انتخابات

شاہ محمود قریشی سمیت دیگر امیدواروں کو الیکشن لڑنے کی اجازت مل گئی

 پی ٹی آئی کے شاہ محمود قریشی ، زین قریشی اور زلفی بخاری سمیت دیگر امیدواروں کو الیکشن لڑنے کی اجازت مل گئی۔

تفصیلات کے مطابق الیکشن 2024 کے امیدواروں کی اپیلوں پر ملک بھر میں الیکشن ٹریبونلزسماعتیں کررہا ہے۔

الیکشن ٹریبونل سندھ نے شاہ محمودقریشی کو این اے214سےالیکشن لڑنےکی اجازت دے دی اور زین قریشی کو بھی این اے دوسو چودہ سے الیکشن لڑنے کا اہل قرار دے دیا گیا۔

ریٹرننگ افسر کاکاغذات مسترد کرنے کا فیصلہ کالعدم قرار دیا، واجبات سےمتعلق سند پیش نہ کرنےپر ریٹرننگ افسر نےکاغزات مسترد کیے تھے۔

زلفی بخاری نعیم حیدر پنچوتھہ اورحلیم عادل شیخ کے کاغذاتِ نامزدگی بھی منظور ہوگئے اور ریٹرننگ افسران کےفیصلے کالعدم قرار دے دیے گئے۔

پی پی دس سے راجہ بشارت کے کاغذات بھی بحال کردیے گیے جبکہ پی پی ون سے قاضی احمد اکبر، پی پی بارہ اور این اے پچپن سے عمر تنویر بٹ جبکہ این اے 51 اور پی پی 6 سے میجر ریٹائرڈ لتاسب ستی کی اپیلیں بھی منظورہوگئیں۔

پی ٹی آئی امیدوار اسامہ احمد میلہ اور پی ٹی آئی امیدوارعنصر اقبال کوا لیکشن لڑنے کی اجازت دے دی گئی ، عنصراقبال این اے 83 اورپی پی 73,74،76سے امیدوار ہیں۔

اس کے علاوہ این اے اکیس مردان سے پی ٹی آئی امیدوارمجاہدعلی خان ، پی کے 52 کوہاٹ سے شفیع اللہ جان، پی کے چھپن مردان سے امیرفرزند این اے 22 اور پی کے 58 مردان سے عبدالسلام آفریدی، پی کے چوون مردان سے عدنان خان، پی کے اٹھاسی سے میاں عمر کی اپیل منظور ہوگئی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button