تازہ ترینخبریںدنیا

یمنی فوج کا بحیرہ احمر سے اسرائیل جانے والے تمام بحری جہازوں کے گزرنے پر پابندی کا اعلان

یمنی حوثیوں نے اسرائیل کو وارننگ جاری کرتے ہوئے کہا کہ اگر غزہ میں امداد نہ پہنچی تو  بحیرہ احمر میں اسرائیل جانے والے تمام جہازوں کو نشانہ بنائیں گے۔

میڈیا رپورٹ کے مطابق یمن حوثیوں کے فوجی ترجمان نے کہا کہ اگر غزہ کو خوراک اور ادویات نہیں ملتی ہیں تو بحیرہ احمر میں اسرائیلی بندرگاہوں کی طرف جانے والے تمام بحری جہاز، چاہے وہ کسی بھی ملک کے ہوں وہ ہماری مسلح افواج کا ہدف بن جائیں گے۔

یمنی فوج کے ترجمان نے کہا کہ اسرائیل جانے والے تمام بحری جہازوں کے گزرنے پر پابندی کا اعلان کرتے ہیں۔

خیال رہے کہ حالیہ عرصے میں حوثیوں کی جانب سے بحیرہ احمر میں اسرائیلی ملکیت والے بحری جہازوں کو روکا گیا ہے تاہم نئی وارننگ میں اسرائیل جانے والے ہر جہاز کو نشانہ بنانے کی دھمکی دی گئی ہے۔

واضح رہے کہ بحیرہ احمر ایک سمندری راستہ ہے جس سے دنیا کا زیادہ تر تیل بھیجا جاتا ہے، یمن اور اس کے بحیرہ احمر کے ساحل پر حوثی باغیوں نے گزشتہ ماہ ایک برطانوی مال بردار بحری جہاز کو بھی اپنے قبضے میں لے لیا تھا جس کا تعلق ایک اسرائیلی کمپنی سے تھا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button