امریکی سفیر ڈونلڈ بلوم نے وزیر خزانہ اسحاق ڈار کو آئی ایم ایف کے ابہام کے بارے میں آگاہ کردیا۔
تفصیلات کے مطابق وزیر خزانہ اسحاق ڈار کی پاکستان میں امریکہ کے سفیر ڈونلڈ بلوم سے ملاقات ہوئی ، ملاقات میں ڈونلڈبلوم نے وزیر خزانہ کو آئی ایم ایف کے ابہام کے بارے میں آگاہ کیا۔
وزارت خزانہ کی جانب سے کہا گیا کہ ملاقات میں باہمی امور اور دونوں ممالک میں تعلقات بڑھانے پر تبادلہ خیال کیا گیا۔
وزارت خزانہ کا کہنا ہے امریکی سفیر نے مشکل معاشی حالات سے نمٹنے ،استحکام اور ترقی دینے کیلئے تعاون اوراقتصادی تعلقات کو مزید بڑھانے کیلئے تعاون کی یقین دہانی کرائی۔
خیال رہے وزیر خزانہ اسحاق ڈار نے آئی ایم ایف پروگرام کو تیس جون تک ختم کرنے کا عندیہ دیتے ہوئے کہا تھا کہ ہمارا مقصد آئی ایم ایف پروگرام مکمل کرنا تھا۔
