تازہ ترینخبریںصحتصحت اور غذا

بالوں کی نشوونما پر حیران کُن اثرات ڈالنے والے 7 بیج

ماہرین کی جانب سے بالوں کی نشونما بڑھانے، صحت مند بنانے اور گرنے سے بچانے کے لیے 7 بیجوں کا استعمال تجویز کیا جاتا ہے۔

طبی ماہرین کے مطابق مہنگے کنڈیشنرز، ٹریٹمنٹس کے باوجود بھی اگر بالوں کی نشونما بہتر نہیں ہو رہی تو یہ اس بات کا اشارہ ہے کہ بالوں کو غذائیت کی ضرورت ہے، ماہرین کا کہنا ہے کہ بالوں پر لگائے جانے والے ماسک اور ٹریٹمنٹس صرف 10 سے 15 فیصد مفید ثابت ہوتے ہیں جبکہ بالوں کی صحت بہتر بنانے کے لیے  بالوں کے لیے مطلوب غذا کا استعمال ناگزیر ہے۔

ماہرین کا کہنا ہے کہ بالوں کی صحت میں بیج اہم ترین کردار ادا کرتے ہیں، بیجوں کا استعمال بالوں کو ناصرف نرم و ملائم بلکہ صحت مند اور مضبوط بھی بناتا ہے۔

بالوں کو لمبا، چمکدار اور خوبصورت بنانے کے لیے درج ذیل بیجوں کا استعمال حیران کُن طور پر مفید ثابت ہو سکتا ہے۔

تل کے بیج

تل کے بیج میں ’ٹروسائن‘ پایا جاتا ہے جو کہ جسم میں موجود کیمیکل سیروٹونائن کو بڑھاتا ہے۔ یہ سیروٹونائن انسان کا مزاج اچھا کرنے کا ذمہ دار ہوتا ہے اور تل کا روزانہ استعمال کرنے سےتناؤ کی کیفیت کو کم کیا جاسکتا ہے۔

سورج مُکھی کے بیج

وٹامن ای سے بھر پور سورج مکھی کے بیج بالوں کو بڑھنے میں مدد کے ساتھ ساتھ تیزی سے لمبا بھی کرتے ہیں، وٹامن ای سے خون کی روانی تیز ہوتی ہے جس سے روکھے بے جان بالوں میں جان آ جاتی ہے ، بہتر نتائج کے لیے روزانہ اپنی غذا میں سورج مکھی کے بیج یا تیل کا استعمال کریں۔

لوبیا

لوبیا میں منرلز کی بڑی مقدار پائی جاتی ہے جس کے نتیجے میں بالوں کو لمبا ہونے کے لیے مکمل غذائیت حاصل ہوتی ہے، بال بڑھنے کی رفتار میں بھی تیزی آتی ہے، اس میں قدرتی چکنائی پائی جاتی ہے جس سے روکھے بالوں کو نشونما کے لیے مدد ملتی ہے، اس میں موجود آئرن، بائیو ٹن، زنک پائے جانے کے باعث بالوں کی جڑوں کو مضبوطی ملتی ہے جس سے بال جھڑنے کے عمل میں کمی ہوتی ہے، اس کے استعمال سے نا صرف بال لمبے ہوتے ہیں بلکہ گھنے مضبوط بھی ہوتے ہیں۔

کلونجی کے بیج

کلونجی کے بیجوں کا استعمال بالوں کے کئی مسائل کو بائے بائے کہہ سکتا ہے۔

جرنل آف ٹراپیکل میڈیسن میں شائع ہونے والی ایک تحقیق کے مطابق کلونجی کے بیج آپ کے بالوں کے فولیکلز follicles کی پرورش کرتے ہیں، بالوں کی بہتر نشوونما میں مدد کرتے ہیں اور بالوں کے گرنے میں کمی لاتے ہیں۔

کلونجی میں اینٹی فنگل اور اینٹی آکسیڈنٹ خصوصیات کی بدولت  بال جراثیم سے بھی پاک رہتے ہیں، کلونجی کا استعمال بالوں کی جڑوں کو انفیکشن سے بھی بچاتا ہے۔

میتھی کے بیج

میتھی کے بیج بالوں کے گرنے کو کم کرنے اور بالوں کی نشوونما کو فروغ دیتے ہیں، بالوں کو صحت مند اور مضبوط بنانے کے لیے میتھی دانے کا استعمال بے حد مفید ثابت ہوتا ہے میتھی کے بیج بالوں کی نشوونما سمیت اِنہیں خشکی سے بھی دور رکھتے ہیں۔

میتھی دانے میں پروٹین، نیاسین، امینو ایسڈ اور پوٹاشیم پایا جاتا ہے جو بالوں کی نشونما میں مدد کرتے ہیں، میتھی دانے کو کچا یا بھگو کر  استعمال کیا جا سکتا ہے۔

کدو کے بیج

کدو کے بیج زنک، سیلینیم، کاپر، وٹامن اے، بی اور سی سے بھرپور ہوتے ہیں جو بالوں پتلے بالوں کو مضبوط اور گھنا بناتے ہیں، اِن میں چمک پیدا کرتے ہیں، کدو کے بیجوں کا استعمال روزانہ کی بنیاد پر تقریباً 30 گرام تک کیا جا سکتا ہے۔

السی کے بیج

السی کے بیجوں کا استعمال  بالوں کے گرنے کو کم کرتا ہے اور بالوں کی نشوونما کو فروغ دیتا ہے، یہ اومیگا تھری فیٹی ایسڈ، فائبر، پروٹین، میگنیشیم، کیلشیم، فاسفورس وغیرہ کا بھرپور ذریعہ ہیں جو بالوں کو جڑوں کو فائدہ پہنچاتے ہیں۔

السی کا استعمال روٹی بنا کر، بھون کر پاؤڈر بنا کر روزمرہ کی روٹین میں کیا جا سکتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button