چیئرمین پاکستان تحریک انصاف عمران خان نے سینئر رہنما علی زیدی کی گرفتاری کی شدید مذمت کرتے ہوئے کہا ہے کہ یہ سب لندن پلان کاحصہ ہے۔
اپنے ٹوئٹر بیان میں عمران خان نے لکھا کہ نوازشریف کو پی ٹی آئی کو کچلنےکی یقین دہانی کرائی گئی تھی پی ٹی آئی کے 3ہزار سے زائد کارکن گرفتار اور اغوا ہوئے پہلےعلی امین اور اب علی زیدی کو اغوا کیا گیا ہے۔
عمران خان کا کہنا تھا کہ ان کا مزید ایک نیا منصوبہ ہے 27 رمضان یا عید کے بعد زمان پارک میں پولیس پلس ایکشن ہوگا انکا خیال ہے یہ سب کچھ ہمیں الیکشن ہونےکی صورت میں کمزور کر دے گا۔
انہوں نے کہا کہ واضح طور پر کہتا ہوں عوام کا غصہ بڑھتا جا رہا ہے یہ سب نہیں چلےگا یہ لندن کے اس مذموم منصوبےکا نتیجہ انتخابات میں دیکھیں گے
