تازہ ترینخبریںدنیا سے

روسی صدر ولادیمیر پوتن سیڑھیوں سے گر گئے

روسی صدر ولادیمیر پیوٹن گزشتہ ہفتے ماسکو میں اپنی سرکاری رہائش گاہ میں سیڑھیوں سے اترتے ہوئے گر گئے۔

نیو یارک پوسٹ کی ایک رپورٹ کے مطابق پیوٹن سیڑھیوں سے پھسلنے کے بعد پانچ سٹیپس تک نیچے گرے جس کے بعد سیکیورٹی سٹاف فوری طور پر ان کی مدد کے لیے پہنچ گیا۔

رپورٹ کے مطابق گزشتہ ماہ کیوبا کے ہم منصب میگوئل ڈیاز کینیل سے ملاقات کے دوران روسی صدر پیوٹن کے ہاتھ لرزتے اور نیلے رنگ کے ہوتے دکھائی دیئے۔ روسی رہنما کو بے چینی سے اپنی ٹانگیں ہلاتے ہوئے بھی دیکھا گیا۔ اس واقعہ سے پیوٹن کی گرتی ہوئی صحت سے متعلق رپورٹوں میں اضافہ ہوا ہے۔

ایک سابق برطانوی جاسوس کا کہنا ہے کہ 70 سالہ صدر ولا دیمیر پیوٹن شدید بیمار ہیں اور یہ یوکرین میں جو کچھ ہو رہا ہے اس کا عنصر ہے۔

ذرائع نے دعویٰ کیا ہے کہ پیوٹن خون کے کینسر کی وجہ سے بہت بیمار ہیں ، یہ پہلی بار نہیں ہے کہ پیوٹن کے بیمار ہونے کی خبریں منظر عام پر آئیں۔اس سے قبل 2014 میں بھی صدر پیوٹن کے ترجمان نے امریکی میڈیا کی ان رپورٹس کا مذاق اڑایا کہ رہنما کینسر میں مبتلا ہیں اور کہا کہ صحافیوں کو ’اپنی بکواس بند رکھنی چاہیئے‘۔

دوسری جانب پیوٹن کا کہنا ہے کہ یوکرین کے خلاف 10 ماہ قبل شروع ہونے والے روسی فوجی آپریشن پر کوئی افسوس نہیں ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button