وزیراعظم شہباز شریف مصر کا دورہ مکمل کرکے لندن روانہ ہوگئے ہیں۔
وزیراعظم شہباز شریف کاپ 27 کانفرنس میں شرکت کے بعد نجی پرواز سے نجی دورے پر لندن روانہ
— Marriyum Aurangzeb (@Marriyum_A) November 8, 2022
رپورٹس کے مطابق لندن میں وزیراعظم شہباز شریف کی اپنے بھائی نواز شریف سے ملاقات میں چند اہم فیصلے متوقع ہیں۔ شہباز شریف عمران خان کے لانگ مارچ اور دیگر ملکی سیاسی و معاشی صورتحال پر نواز شریف سے مشاورات کریں گے ۔
دوسری جانب وفاقی وزیر اطلاعات مریم اورنگزیب نے دورہ کی تصدیق کرتے ہوئے کہا ہے کہ وزیراعظم شہباز شریف نجی دورے پر لندن روانہ ہوئے ہیں۔
قبل ازیں وزیراعظم شہباز شریف نے شرم الشیخ میں ہونے والے کوپ 27 اجلاس میں پاکستان کا موقف پیش کرتے ہوئے کہا تھا کہ غیر معمولی بارشوں کے باعث طغیانی سے بڑے پیمانے پر تباہی ہوئی۔
انہوں نے کہا کہ پاکستان میں سیلاب سے 8 ہزار کلومیٹر طویل سڑکیں اور 3 ہزار کلومیٹر طویل ریلوے ٹریک متاثر ہوا ہے۔
