عوامی مسلم لیگ کے رہنما اور پی ٹی آئی کے حلیف شیخ رشید نے کہا ہے کہ آج عمران خان لبرٹی چوک سے سیاست کے آخری 5 اوور کرانے جا رہا ہے۔
شیخ رشید نے سماجی رابطوں کی ویب سائٹ ٹوئٹر پر آج سے پی ٹی آئی کے شروع ہونے والے لانگ مارچ کے حوالے سے اظہار خیال کیا ہے۔
سینیئر سیاستدان نے اپنے ٹوئٹ میں کہا ہے کہ آج میں خود بھی لبرٹی چوک جاؤں گا، لانگ مارچ جمعہ کو راولپنڈی پہنچے گا، دعا ہے کہ لانگ مارچ امن و امان، آئین اور قانون کے مطابق مقاصد حاصل کرے۔
سابق وفاقی وزیر نے ایک بار پھر پیشگوئی کرتے ہوئے کہا کہ نومبرمیں آر یا پار ہوجائے گا، شہباز شریف نے نومبر میں جتنے غیر ملکی دورے کرنے ہیں کر لیں، اسلام آباد سے ہی عوام نکل آئے تو کرپٹ ٹولے کو بھاگنے کی جگہ نہیں ملے گی۔
غریب عوام اور پاکستان سنگین ترین بحران سے گزر رہا ہےکمپنی کی مشہوری کے لیے شہباز شریف نومبر میں جتنے غیرملکی دورے کرنے ہیں کر لے غیر مقبول بھکاریوں کو کوئی خیرات نہیں دےگااسلام آبادکی عوام اسلام آباد کےاندرسےنکل آئی تو کرپٹ ٹولےکو بھاگنےکی جگہ نہیں ملےگی نومبرمیں آریاپارہوجائےگا
— Sheikh Rashid Ahmed (@ShkhRasheed) October 28, 2022
