فیصل آباد میں قومی اسمبلی کے حلقہ این اے 108 سے چیئرمین تحریک انصاف عمران خان کے کاغذات نامزدگی مسترد کردیے گئے۔
ضلعی الیکشن کمشنر نے کہا ہے کہ عمران خان نے اثاثہ جات سے متعلق اعتراضات کا تسلی بخش جواب نہیں دیا جس پر ان کے کاغذات نامزدگی مسترد کیے گئے۔ریٹرننگ افسر نے کاغذات کی جانچ پڑتال کے بعد حتمی فہرست جاری کردی۔
خیال رہے کہ پی ٹی آئی اراکین کے استعفوں کے بعد خالی ہونے والی قومی اسمبلی کی 9 نشستوں پر ضمنی انتخابات کیلئے الیکشن کمیشن نے شیڈول جاری کردیا ہے جس کے مطابق پولنگ 25ستمبر کوہوگی۔
این اے 108 فیصل آباد سے عمران خان کے کاغذات نامزدگی مسترد#GeoNews pic.twitter.com/1oXoFx9URp
— Geo News Urdu (@geonews_urdu) August 17, 2022
عمران خان نے اعلان کیا تھا کہ وہ بیک وقت مردان، چارسدہ، پشاور، کرم، فیصل آباد، ننکانہ، ملیر، کورنگی اور کراچی ساؤتھ سےبھی میدان میں اتریں گے تاہم اب فیصل آباد میں ان کے کاغذات نامزدگی مسترد کر دیے گئے ہیں تاہم باقی 8 حلقوں میں ان کے کاغذات منظور ہوچکے ہیں۔
