ملک میں پیٹرول کی قیمت سے متعلق وزیر خزانہ مفتاح اسماعیل کا دعویٰ غلط نکلا۔
مفتاح اسماعیل نے کہا تھا کہ وزارت خزانہ کی جانب سے کوئی اضافہ نہیں ہوگا ۔ ہماری طرف سے پیٹرول پر ایک روپے کا ٹیکس لگے گا اور نہ ہی لیوی لگے گی۔
اس کے مقابلے میں آج وزارت خزانہ نے پیٹرول کی قیمت میں 6 روپے 72 پیسے کا اضافہ کردیا ہے، جس کے بعد فی لیٹر قیمت 233 روپے ہوگئی ہے۔
وفاقی حکومت نے اس دوران پیٹرولیم مصنوعات کی قیمتوں میں اضافے کا اعلان کیا ہے، جب عالمی مارکیٹ میں خام تیل کی قیمتوں میں کمی کا سلسلہ جاری ہے۔
برطانوی خبررساں ادارے رائٹرز کے مطابق عالمی مارکیٹ میں آج بھی خام تیل کی قیمت میں 4 ڈالر فی بیرل سے زائد کی کمی سامنے آئی ہے اور برطانوی خام تیل برینٹ کروڈ آئل93 اعشاریہ 80 ڈالر فی بیرل ہوگئی ہے۔
