معلوم ہے کہ دہشتگرد کہاں سے آئے، پوری قوت سے پیچھا کر رہے ہیں

وزیراعظم عمران خان نے کہا ہے کہ دہشت گرد کہاں سے آئے، ہمارے پاس تمام معلومات موجود ہے۔

ایک بیان میں وزیراعظم عمران خان نے کہا کہ پشاور امام بارگاہ پر بزدلانہ دہشت گرد حملے کے تناظر میں ذاتی طور پر آپریشنز کی نگرانی کررہا ہوں۔

انہوں نے کہا کہ کاؤنٹر ٹیررازم ڈپارٹمنٹ (سی ٹی ڈی) اور ایجنسیوں کے ساتھ رابطے میں ہوں۔

عمران خان نے مزید کہا کہ ہمارے پاس تمام معلومات موجود ہیں کہ دہشت گرد کہاں سے آئے، ہم پوری طاقت کے ساتھ اُن کا پیچھا کررہے ہیں۔

اُنہوں نے یہ بھی کہا کہ دھماکے میں جاں بحق افراد کے لواحقین سے تعزیت کرتا ہوں اور زخمیوں کی جلد صحتیابی کے لیے دعاگو ہوں۔

وزیراعظم کا کہنا تھا کہ وزیراعلیٰ خیبرپختونخوا سے کہہ دیا کہ وہ ذاتی طور پر متاثرہ خاندانوں سے ملیں۔