ایران کے دارالحکومت تہران میں زور دار دھماکوں کے بعد مشرقی تہران میں ایرانی فضائی دفاعی نظام فعال کر دیا گیا۔
ایرانی ہلال احمر کے مطابق خرم آباد میں فضائی حملے میں ایک عمارت تباہ ہو گئی، ایک بچہ شہید اور متعدد افراد زخمی ہو گئے۔ خرم آباد پر فضائی حملے میں اموات اور زخمیوں کی حتمی تعداد سامنے نہیں آئی۔
شمال مغربی شہر ارومیہ میں بھی فضائی حملے میں ایک رہائشی علاقے کو نشانہ بنایا گیا۔ ارومیہ میں ریسکیو اہلکار ملبے تلے دبے افراد کو نکالنے کی کوشش کر رہے ہیں۔
ایرانی ہلال احمر کا کہنا ہے کہ ارومیہ کے زخمی افراد کو فوری طبی امداد فراہم کی جا رہی ہے، ارومیہ پر فضائی حملے میں زخمیوں کی تعداد سامنے نہیں آ سکی۔
دوسری جانب بندر عباس میں ایرانی سرکاری ریڈیو اسٹیشن پر حملے میں ایک شخص شہید اور ایک زخمی ہوا
