سابق بار صدر ایڈوکیٹ منیر احمد سدھانہ سمیت تین افراد کے بہیمانہ قتل کا معاملہ
ڈی پی او جھنگ کیپٹن (ر) بلال افتخار کیانی کی پریس کانفرنس میں اہم پیش رفت ہوئی ۔
سابق صدر بار جھنگ مہر منیر سدھانہ پر قاتلانہ حملے کا مرکزی ملزم عمران قریشی ضلع خانیوال سے گرفتار اور آلہ قتل پسٹل بھی برآمد ۔
ڈی پی او بلال افتخار کیانی کا کہنا ہے کہ بقیہ ملزمان کی گرفتاری کیلئے پولیس ٹیموں کے چھاپے جاری ہیں۔
واضح رہے کہ تین روز قبل گوجرہ روڈ پر اندھا دھند فائرنگ کے نتیجے میں 3 افراد جاں بحق ہوئے تھے۔
جاں بحق ہونے والوں میں ایڈووکیٹ منیر احمد سدھانہ، ان کے ڈرائیور اور ایک راہگیر شامل تھا۔
ان کا کہنا تھا کہ گرفتار ملزم سے سخت تفتیش جاری ہے، بقیہ ملزمان کی گرفتاری کیلئے سرچ آپریشن بھی جاری ہے ۔
ان کا کہنا تھا کہ ہماری ہمدردیاں مقتولین کے لواحقین کیساتھ ہیں، انشاء اللہ بہت جلد بقیہ ملزمان قانون کی گرفت میں ہوں گے۔
