پاکستان کے سابق وزیرِ اعظم اور چیئرمین پی ٹی آئی عمران خان کی سزا معطلی اور ضمانت کی درخواستوں پر سماعت جمعرات تک ملتوی کر دی گئی ہے۔
چیف جسٹس عامر فاروق نے استفسار کیا کہ کیا ریکارڈ عدالت میں آ گیا ہے؟ جس پر وکیل الیکشن کمیشن امجد پرویز نے بتایا کہ ’مجھے کیس کا تصدیق شدہ ریکارڈ ابھی نہیں مل سکا۔
’کیس کے میرٹس پر سزا معطلی کی درخواست دی گئی ہے۔ میری استدعا ہے کہ مجھے تیاری کے لیے مناسب وقت دیا جائے۔‘
عمران خان کے وکیل لطیف کھوسہ کا کہنا تھا کہ ’میں الیکشن کمیشن کے وکیل کو وقت دینے کی مخالفت کرتا ہوں۔
’میری استدعا ہے کہ آج ہی سزا معطلی کی درخواست منظور کی جائے۔ جان بوجھ کر کیس میں تاخیری حربے استعمال کئے جارہے ہیں۔
