سمندری طوفان کی آمد ، آمد ہے ایسے میں آپ کے گھر میں کون سی اشیاء ہونی چائیے اور کون سی تدابیر اپنانی چاہیے ؟
سمندری طوفان بپرجوئے تیزی سے کراچی اور سندھ کے دیگر ساحلی علاقوں کی جانب بڑھ رہا ہے، اس کے لیے ضروری ہے کہ فوری طور پر کچھ احتیاطی تدابیر اختیار کرلی جائیں۔
گاڑیوں میں فیول کی ٹنکی فُل کروالیں، اس کے علاوہ کچھ پیٹرول گھر پر بھی لاکر رکھ لیں۔
ضروری اشیاء جیسے کھانے پینے کی چیزیں (راشن)، پانی، فرسٹ ایڈ کٹس اور ٹارچز وغیرہ پہلے ہی گھروں میں رکھیں۔
طوفان کے دوران اپنا اور اپنے پیاروں کا خیال رکھیں
اگر آپ کے گھروں میں پالتو جانور ہیں، تو انہیں گھر کے اندر کمروں میں رکھیں، باہر بالکونی یا چھت پر ہرگز نہ جانے دیں۔
بہت سے افراد قربانی کے جانور لے آئے ہیں یا اجتماعی قربانی والے افراد جانوروں کو ایک مضبوط پناہ گاہ یا چار دیواری میں رکھیں۔
طوفان کے دوران اپنائی جانے والی احتیاطی تدابیر:
طوفان کے دوران گھروں کی کھڑکیوں کو کسی چٹائی یا چادر سے ڈھک دیں یا پھر ماسکنگ ٹیپ لگائیں تاکہ کھڑکیاں نہ کُھل سکیں۔
طوفان کے دوران کھڑکیوں سے دور رہیں اور بجلی کے آلات کو منقطع کریں
