قومی سنوکر چیمپئن شپ میں دفاعی چیمپئن محمد سجاد پری کوارٹر فائنل میں شکست کھا گئے ، سربُلند خان نے 3-5 کے فریم سکور سے انہیں ہرایا۔
کراچی کے نیشنل بینک سپورٹس کمپلیکس میں جاری ایونٹ کا چوتھا روز دفاعی چیمپئن محمد سجاد کیلئے آخری ثابت ہوا، ذوالفقار اے قادر بھی اگلے مرحلے میں نہ پہنچ سکے، وہ شاہد آفتاب سے پورے 9 فریمز کے دلچسپ مقابلے کے بعد مات کھا گئے۔سابق جونیئر عالمی امیچر چیمپئن نسیم اختر نے عبدل جاوید کو 0-5 سےآؤٹ کلاس کیا اور تیسرے فریم میں 125 کا بریک بھی کھیلا۔
کوارٹر فائنل کیلئے کوالیفائی کرنے والےدیگر کھلاڑیوں میں عادل اے جبار، شان نعمت، اویس اللّٰہ منیر، آکاش رفیق اور سلطان محمد شامل ہیں۔
